[2018-08-11] 義工日

昨天星期六 第一次星期六義工日係咁人丁單薄 因為有大半義工同兩個團體探訪改為下個星期六18號先至入場 原因係昨日行雷閃電狂風暴雨 個場又處於高地實在太危險 但係好彩都有幾個俊男美女入嚟探班同小朋友洗白白 真係感謝佢哋冒生命危險到嚟 為小朋友服務辛苦各俊男美女 感謝

[2018-07-22] 義工日 x 藤絡

22號星期日 義工日 感謝各位義工老友記山長水遠嚟到為小朋友服務 又拎雞柳又帶物資真係辛苦曬 大樹下全賴有你們支持感謝哂 再多謝藤絡同學們到來上了一日生命教育 為小朋友帶來歡樂 代小朋友謝謝大家    

[2018-06-24] 義工日

6月24號義工日 感謝各位義工老友記 山長水遠嚟到山卡啦 大樹下為小朋友服務 仲有帶埋雞柳啦 物資啦各樣各樣 代小朋友感謝大家 今次最特別就係我哋嘅 資深老義工 帶埋佢嘅校長上嚟做義工 校長帶學生 老師帶同學仔 社工帶同學仔 上嚟做義工就見得多喇 今次係由學生帶校長上嚟 真係值得鼓勵鼓勵讚賞 感謝校長親身體驗 做義工嘅意義將愛護動物 同埋養任何動物都要負責任 教育下啲同學仔 係一個好好嘅生命教育

[2018-06-20] 張敬軒在大樹下愛的呼喚

6月8號晚距離演唱會開show仲有幾日 大樹下突然收到軒仔嘅電話，話佢已留咗一版場刊比我登大樹下嘅廣告，嗰一刻真係好感動，真係眼濕濕，佢話希望讓七萬幾人認識大樹下，希望幫到D動物OMG 真係好感動 臨近演唱會前一定不停排舞、練歌...總之好忙，但呢個軒仔，真係好有心，就連場刊嘅嘢佢都事事親力親為。真心多謝你吖軒仔 大樹下真係有福氣！ 相關報導: 難得有心人 張敬軒在大樹下愛的呼喚 (明報)

[2018-06-15] 志雲大師探訪大樹下做義工

感謝志雲大師到訪大樹下, 並親身做義工為毛孩洗白白 (圖片來源: 陳志雲 Stephen Chan facebook專頁)

[2018-06-09] 義工日

星期六義工日 今個義工日真係好感謝 班義工時晴時雨都陸陸續續到這山卡啦 為大樹下班小朋友服務 仲有大包小包雞柳和物資帶來 真係辛苦哂各位 班大帝話好開心 仲有多謝東華三院 余墨綠綜。。。 一班(俊男美女到訪)多謝  

[2018-06-03] 洪水橋領養日

[2018-05-27] 義工日

感謝各位義工老友 35度有多的天氣 位位義工做咗抗日英雄 冒住火屎辣天的太陽 大汗疊細汗 仲帶住物資雞柳行上山 真係辛苦哂 感謝大家對大樹下的支持 班大帝話 一見到義工老友就開喎

[2018-05-12] 義工日 x HKDI

星期六義工日 今日義工日真係人強馬壯 多謝義工們 不辭勞苦來到這山卡啦為小朋友們服務 代小朋友多謝你哋 仲有你哋嘅雞柳 辛苦哂各位義工老友 大樹下全賴有你哋嘅支持 今日仲有一大班新力軍 同學們歡迎你們 辛苦哂大家      

[2018-04-14] 義工日

星期六義工日 感謝各位義工山長水遠來到大樹下為小朋友服務 仲唔怕辛苦帶來雞柳仲有物資等 辛苦曬呀 今次仲有西貢區社區中心十多位同學仔 到來大樹下上了一堂生命教育 辛苦哂大家 感謝