[2017-10-14] 義工日
星期六 義工日 似等咗好耐咁 小朋友都話等咗好耐咯嘞 好開心的義工日 感謝各義工好友 到來為小朋友服務 又帶來大量雞枊 又有辛苦拎物資上山 代小朋友們感謝各義工好友 再多謝港大同學仔 今日到參加生命教育嘅義工日
Read More →峹 - 大樹下
[2017-09-24] 義工日
一號風球下的義工日 今天義工日 以星期日來說算係多人 但今日個個義工都係熟手技工 多謝大家今日到來大樹下為小朋友服務 今日好豐富有雞柳又有牛肉 仲有雞及小食 最奇怪大家見到竟然有西瓜 係，真係有西瓜 係畀啲狗狗食㗎 真係辛苦哂 各位義工山長水遠嚟到山卡啦 仲拎住咁多重嘢入到嚟大樹下 感恩有你們的支持
Read More →聲明
聲明 大樹下善待動物庇護站(錦田)有限公司 (下稱「大樹下」) 注意到近日網絡上傳言指大樹下擁定期捐款二十萬元，現特此澄清有關傳言與事實不乎。 鑑於大樹下的營運高度倚靠各界捐款支助，有關不實傳言或會對大樹下的捐款構成嚴重影響，因此，現特此嚴正聲明大樹下並無定期捐款二十萬元。 大樹下成立以來一直致力照顧流浪貓狗及其他被遺棄的動物，宗旨未變；我們在將來將會一如既往努力為流浪貓狗們建立美好的家園，盼望各界能繼續熱心捐助或親身探訪，讓流浪貓狗們感受到愛。 大樹下善待動物庇護站(錦田)有限公司 啟
. Read More →
[2017-09-17] 義工日 x 香港大學生命村
多謝香港大學 生命村同學蒞臨大樹下 上了一場生命教育 你哋真有幸 得場主曾生親身接待各位 生命不在乎長短 只在乎有冇意義 多多少少在人間都要做啲啲好事 我覺得曾生做到了 佢一生都為流浪小朋友付出 他的前大半生都係為流浪小朋友 後半生也應該唔會有什麼變化 祝曾生 身體健康 長命百歲 繼續做奴才做得開開心心 多謝香港大學 生命村同學 選擇咗大樹下到訪 多謝
Read More →
[2017-08-11~13] 「大樹下 好遮蔭」西九攤位義賣日
大樹下 班義工真係冇得頂 在西九海濱長廊 舉行三日之義賣而流盡嘅每一滴汗 受盡太陽伯伯嘅欺凌 大樹下 嘅義工係用佢哋嘅假期 出盡全力 為大樹下籌多一蚊得一蚊 嘅團結精神 發揮得淋漓盡致 為咗大樹下可以去得有幾盡得幾盡 因今年4月起個個月都籌唔夠開支 所以各位善長睇見大樹下班義工咁落力 為一班場內場外的小朋友奮鬥 希望各善長都可以多多支持大樹下 給予我們鼓勵 我們繼續為場內外 為數約400貓貓狗狗繼續努力 感恩大樹下有你們支持 感恩
Read More →
[2017-08-12] 義工日 x 香港基督教服務處北角樂Teen會
8月12號 義工日 感謝義工好友們 千里遙遙嚟到 大樹下這山卡啦地方 都係為探望這一班小朋友 而為小朋友們服務 老友們帶來雞枊 仲床單毛巾仲有各樣物資 一班大帝當然開心 但辛苦哂喇各位 今日仲有 香港基督教服務處北角樂Teen會 班同學仔參加義工日領悟生命教育義意 感謝義工和同學仔 另到大樹下班小朋友感受到人間有愛
Read More →
[2017-07-23] 8號風球下的義工日
義工日 諗住俾8號風球(洛克)攪喎 但凡事都有例外 估唔到仲有多名義工在8號風球上嚟 首先(造造)出現 親自揸車送物資雞柳 仲車埋一個uncle嚟做義工 跟住仲有兩名靚太 一個由老公車上大樹下 攞住雞柳仲有炒飯上嚟 一個義工由乖仔揸車仲帶埋家裏嘅寶貝狗狗 一起送雞柳送到大樹下 雖然佢哋一嚟到就要走 但係都真係好多謝好感動 跟著有靚仔 靚女 靚仔係咁出現 真係好感動風雨無改 感謝大家對大樹下的支持 全賴你們小朋友昨日的晚餐超豐富好味
Read More →
[2017-07-08] 義工日 x 聖雅各福群會
7月8號義工日 感謝義工好友們 風雨無改 到大樹下為小朋友服務 今天全賴 有你們 小朋友們更開心更快樂 哋渡過這一天 更感謝義工辛苦帶上山的物資 感謝義工好友們一路來的支持 今天更有客人聖雅各福群會 由社工帶領一班15名的同學 到大樹下體驗生命教育
Read More →
[2017-06-19] 毛孩新星
狗狗 :救命呀 我乜都睇唔到呀 好大雨呀 我乜都睇唔到呀 那日黑雨 紅雨 黃雨都出齊時曾生又執到寶吖 曾生都係要返工 在開車經過一條繁忙嘅山邊道路 見到有一隻狗 左舂右舂 好似失去方向感 嗰度係非常繁忙嘅車路 好多車來車往 喺馬路到走嚟走去 初時以為佢係盲㗎 (曾生係冇智能手機的 所以佢係拍唔到片畀大家睇) 曾生不顧危險 停下車來 走去引領這位長者到安全地方 之後都係唔放心 雖然要趕時間返工 都安排這位長者去一處安全嘅地方 等雨停後 當然又係上大樹下 (請曾生都要顧下自己嘅安危) 這狗狗看來 年紀相當大 請問誰人走失狗狗 走失長者 請同大樹下聯絡 懇請勿遺棄動物 動物是我們的家人 我們的子女 由接佢返嚟嗰日就要從一而終 大樹下這窮貓狗場 是全靠各善長好友支持才可一步一步走下去 你哋嘅一分一亳全用在小朋友身上 大樹下是零行政費 是零行政費 希望各善長好友繼續支持大樹下 請各方好友廣傳 分享 感謝
Read More →